Een junior en een senior debatspan van Hoërskool Nylstroom het op Vrydag 12 Julie aan Limpopo se eerste Dink-of-sink-debatkompetisie deelgeneem. Hierdie kompetisie, wat deur AfriForum onderskryf word, het by Hoërskool Merensky in Tzaneen plaasgevind. Voor staan Simone du Plessis, Karlien Coetzer en Zandré Coetzer. Agter staan Alicia Oberholzer, Jowiné Bezuidenhout en Tjaart du Plessis.
Dié leerders pluk die vrugte van harde werk. Hoërskool Nylstroom se toppresteerder in elke graad ná die tweede kwartaal, is Mia Kirsten (gr. 8), Magdelyn van Heerden (gr. 9), Janique Erasmus (gr. 10), Tshireletso Chauke (gr. 11) en Lindi Brits (gr. 12).
Hoërskool Nylstroom het die aktiefste hoërskool Landsdiensklub in Limpopo. Leerders het die afgelope vakansie die provinsiale kamp by Badseloop buite Mookgophong bygewoon. Altesame nege leerders is verkies om Limpopo tydens die nasionale kamp in Desember te verteenwoordig. Voor is Kaiden Barthram, Clement Mabotja en Curt Kührau. Agter staan Aldi Serfontein, Zandré Coetzer, Tabane Matabane, Izette Beytell en Rose Makwela, Noko Dipela en Renske Gomes (personeellid). Carmen Kührau was afwesig toe die foto geneem is. Die gr. 8- en 9-leerders kamp by Thaba Marula in Noordwes en die gr. 10- tot 12-leerders by Joy Unspeakable-kampterrein in Gauteng.
