Home/Galleries/Community galleries/Geite en giere… Community galleriesGalleries Geite en giere… Wat gebeur in en om die Waterberg? June 28, 2019 Die Pos-span / The Post team Less than a minute Facebook X LinkedIn Tumblr Pinterest WhatsApp Telegram Share via Email Print Die bekende paartjie Jacques Greyling en Moira Cronje, albei vroeër van Bela-Bela, is verlede naweek in die eg verbind. Jacques is ’n oud-Warrie en is die seun van wyle Marius en Anne Greyling. Anne het jare lank onderwys by Hoërskool Warmbad en Settlers Agricultural High School gegee. Moira was werksaam by Sondela Wildlife Centre en gaan steeds op vryskutbasis vir hulle werk. Die egpaar vestig hulle in eMahlaleni (Witbank). Maria Oberholzer, skakelbeampte van die Vroue Landbou-unie se Sonskyn-aandtak in Bela-Bela, het die vroue die fyner kunsies van hekel geleer. Die lede was baie beïndruk met die “mile-a-minute crochet” tegniek. Sy het ook die lede touwys gemaak oor die aktiwiteitsblok vir kleuters vir die ouderdom 3 tot 5 jaar. Klub 60 in Bela-Bela het op Donderdag 20 Junie hulle maandelikse byeenkoms by Caritas-veiligheidsoord se saal gehou. As ’n teenvoeter vir die koue weer het almal sop en sjerrie geniet terwyl hulle aan ‘n vasvra-kompetisie deelgeneem het. Bobaas vasvrakenners, Braam en Bets Cilliers, het die deelnemers hard aan die dink gehad. Mense bo 60 jaar wat die klub se volgende byeenkoms wil bywoon en nuwe vriende maak, kan vir Leonie Lombaard bel by tel. 083 666 2754. Op die foto is die klublede tydens die laaste byeenkoms. Die PUR (provinsiale uitvoerende raad) van die SAOU (Suid-Afrikaanse Onderwysers-unie) in Limpopo het afskeid geneem van die raadslede wat nou uittree. Op die foto is Sandra de Wet (kring 1), Albert Swaters (uittredende voorsitter, kring 1), Louis Linde (kring 3), Willie Schoeman (kring 2) en Ian Taljaard (kring 1). Afwesig met die neem van die foto: Hennie Coetzee (kring 1) en Vic Rijnen (kring 3). June 28, 2019 Die Pos-span / The Post team Less than a minute Facebook X LinkedIn Tumblr Pinterest WhatsApp Telegram Share via Email Print Share Facebook X LinkedIn Pinterest WhatsApp Telegram Share via Email Print