Die o.8-rugbyspelers van Laerskool Vaalwater onder die bekwame afrigting van Monty Celliers, was onder die tien skole wat hul staal gewys het in bulletjierugby.
Hoërskool Hans Strijdom kweek al jare lank rugbyspelers van formaat. Dié drie manne, Nieard Rietchard, Tristan Snyman en Ruan Robberts, is gekies om in die Oktober-vakansie na Ierland te toer. Hulle vorm deel van die Mauritz Hansen-rugbytoergroep.
Brendon Branford van Laerskool Nylstroom is seepglad op die rugbyveld. Hy is as die o.11-rugbyspan se speler van die week gekies tydens die span se onlangse toer na Volksrust.
