’n Swart mamba is by dr. Carel Pretorius se huis in Bosveldsig in Modimolle gevang. Die Pretorius-egpaar se bure, Eddie en Christa Rabie, het hulp ingeroep nadat hul op die dringende roep-alarm van die swartoogtiptolle gereageer het. By nadere ondersoek is die reuseslang gewaar. Die slang is deur die bekende slangvanger Theunis Victor gevang en word op hok gehou vir die slangvertoning wat op Saterdag 23 Maart om 09:00 by Laerskool Nylstroom plaasvind. Toegang is slegs R20 per persoon en voorskoolse kinders is gratis. Ná afloop van die vertoning sal die slang hervestig word.
George van Vuuren (76) van Bela-Bela is op Maandag 18 Maart met ’n abdominale aneurisme gediagnoseer en is kort daarna in die Warmbad-hospitaal oorlede. Van Vuuren was vir baie jare die opsigter by die Warmbad Bootklub buite die dorp en was veral bekend onder die bootklub se lede, asook gereelde dagbesoekers. Sy gedenkdiens vind op Vrydag 22 Maart om 11:00 vanuit die NG Warmbad- Wes-gemeente in Gilfillanstraat plaas.
Soms moet ’n goeie fotograaf sy gerief opoffer om die wenskoot te kry. Herman Steyn, Die Pos se bekroonde fotograaf, is altyd bereid om die ekstra myl te loop om ’n goeie aksiefoto te kry.
Daan en Esther Gravett van Bela-Bela het op Donderdag 14 Maart hulle 60ste huweliksherdenking gevier. Hulle kinders en kleinkinders het hul verras met ’n tee by hulle woning in die dorp. Die egpaar het al in Tzaneen, Walvisbaai, Phalaborwa en Winterton gewoon voordat hulle baie jare gelede na Bela-Bela verhuis het. Die egpaar was ywerige gholfspelers en Daan sal onthou word as ’n ywerige wyksraadslid wat vir sy kiesers opgestaan het. Op die foto voor is Daan en Esther. Agter is hulle dogters — Danest Cronje, Rochelle Nolte en Francel Ferreira. Ronel Hulley was afwesig met die neem van dié foto.
A group of young people with their hearts in the right places started a Christian Charity Group. Their aim is to assist any school, church or crèche that is in need of an extra helping hand in maintenance, upkeep or upgrading. The group leader, Joshua Bianaar said that they want to make a difference in the community. They have got time and skills that can be utilized to the benefit of a community institution. They can be reached by calling Joshua at tel. 064 706 8445. The institution supplies the relevant tools and materials needed for the project and the youngsters provide the hard work at no cost. On the photo they can be seen at their most recent project, busy renovating a new after school care centre close to Hoërskool Warmbad.
Die Hillbillies-lyndansers van Bela-Bela het op Vrydag 1 Maart die eerste plek verower tydens die ‘Battle of the linedancers’-kompetisie wat by ’n restaurant in Modimolle plaasgevind het. Die groep betaan uit Marie van Rooyen (lyndans instrukteur), Monica van der Merwe, Michelle Vos, Shirelda Vosloo, Jani van Rooyen, Berdine Redders en Nadia van Wyk.
