Dié groep klopdansers kan met rede so trots glimlag. Hulle is aangewys as kategorie-wenners tydens die gewilde Dans in Jou Taal-kompetisie wat op Sondag 2 September in Pretoria gehou is. Dié danskompetisie vir dansskole regoor die land word op nasionale televisie uitgesaai. Die groep se dansinstrukteur, Whilma van der Merwe van LPD Studio of Dancing, is baie trots op hulle. Voor is Danika Vivier, Renette van der Merwe, Marné Barnard, Megan Smith en Amy Pringle. Agter is Isabella van Niekerk, Christe-lee van der Westhuizen, Thilise van der Heever, Mikayla Smith en Chloe Pringle.
Hoërskool Nylstroom het hul eerste netbalspan vir 2019 aangewys. Hulle is Mary Minnaar, Lungi Mahlangu, Nadia Fouché, Miko Keulder, Zanri Smit, Ané Mostert, Stefni-Ann Fourie, Lindi Brits en Alicia Oberholzer.
Ruben Kotzé en Hannes Fourie, leerders aan Hoërskool Hans Strijdom in Mookgophong, is vir die Bokkiespan se o. 14-Verre-Noord-sewes-rugbyspan gekies wat tydens die Oktober-vakansie aan ’n toernooi in Vereeniging deelneem.
Dané Brent-Meek en Lindi Prinsloo van Laerskool Warmbad het op Vrydag 31 Augustus in Mokopane aan hokkie-uitdunne deelgeneem en gekwalifiseer om deel te wees van die Limpopo o.12-hokkiespan.
