Warrie-matrieks groet in styl

Daar was geen tekort aan styl en elegansie tydens die aankoms nie. Die blink voertuie, waarvan party splinternuwe vuurwaens was en ander met ’n tikkie nostalgiese vintage flair en selfs hier en daar ’n tong in die kies voertuig soos die pragtige rooi trekker, het die matrieks by hul afskeid kom aflaai.

Selfs die duur voertuie kon nie die kollig steel by die stylvolle matrieks se elegante uitrustings nie. Die toeskouers het kort-kort “ge-ooh en ge-aah” tydens die matrieks se aankoms.

Die tema van die aand was “Arabian Nights” en die deftige dinee is by Willevy, net buite Bela-Bela gehou.