Daar was ’n groot opgewondenheid toe die matrikulante van 2023 hulle uitslae op Vrydag 19 Januarie by Hoërskool Hans Strijdom in Mookgophong gaan afhaal het.
“Te danke aan leiding van die Here, my goeie onder-
steuningsnetwerk en die harde werk wat ek ingesit het kon ek elke uitda-
ging selfversekerd aanpak. Ek gaan aan die Universiteit van Pretoria studeer en wil myself as fisioterapeut bekwaam. My droom is om met kinders te kan werk en ek wil graag by ’n suksesvolle pediatriese fisioterapie kliniek in die Kaap aan
sluit,” het Rochelle Ruthven opgewonde vertel. Sy het onderskeidings in Afrikaans Huistaal, Engels Eerste Addisionele Taal en lewensoriëntering.
Die Hansies het ’n slaagsyfer van 96,6% waarvan 89,9% van die kandidate toelating gekry het vir ver-dere studies.
“Ons is regtig trots op die leerders se uitslae. Die harde werk van onderwysers en leerders is beloon. Die ondersteuning van ouers het bygedra tot die sukses,” het Lizel Swart, akademiese adjunkhoof gesê.
Die vyf toppresteerders is Lianė Louw met ’n gemiddeld van 80,42%, Lize-Mari Jordaan (79,85), Kayla Pretorius (79,14), Marli Hoffmann (78,14) en Rochelle Ruthven (76,85). Die leerders het groot planne vir hulle toekoms en die skool en gemeenskap sal hulle dophou en ondersteun waar nodig is.
Joyce Maloba obtained distinctions in Mathematical Literacy, Business Science and Tourism. “What motivated me to obtain good results, was the support and love I received from my family and educators. They were the people who poured into my cup when I was running low. My plans for the future includes completing a B Com Accounting degree and I see myself thriving in one of the four big accounting firms in South Africa. Hopefully I can win SAICA’s Top 35 under 35 recognition award,” she told Die Pos.Kayla Pretorius skryf haar sukses toe aan geloof en harde werk. Sy gaan BCom Rekeningkunde studeer aan die Universiteit van Pretoria om dan later haar klerkskap voltooi om ’n geoktrooieerde rekenmeester te word. “My droom is om eendag my eie ouditeurs firma te bedryf. Dit is moeilik om te sê waar ek oor tien jaar gaan wees, maar hopelik het ’n groot geleentheid teen daardie tyd oor my pad gekom,” het sy aan Die Pos gesê. Sy het onderskeidings in Afrikaans Huistaal, Engels Eerste Addisionele Taal, lewensoriëntering en rekeningkunde verwerf.“My familie se ondersteuning en die Here se leiding tydens die eindeksamen het my gedra en ek is baie dankbaar vir my uitslae,” het Marli Hoffmann gesê. Sy gaan BA-geesteswetenskap studeer aan die Universiteit van Pretoria, met die doel om in haar tweede jaar oor te skuif na ’n oudiologiekursus. Sy wil graag ’n oudiologiepraktyk open. Sy het onderskeidings in lewensoriëntering, besigheidstudies en toerisme gekry.Lize -Mari Jordaan het onderskeidings in Afrikaans Huistaal, lewensoriëntering, wiskunde geletterdheid en toerisme verwerf. “Sonder die Here se genade en my ouers se ondersteuning sou ek nie laataande en vroegoggende se studies kon volhou nie, dit is wat my gedra het,” het sy gesê. Sy gaan vanjaar BCom (toerisme bestuur) aan die Noordwes Universiteit studeer. Haar droom is om eendag haar eie handelsmerk koffie- en boekwinkels te besit.
