Die kleuters van Klein Treetjies-kleuterskool in Modimolle was op Vrydag 3 November vuur en vlam ná ’n besoek deur die brandweermanne en hul groot rooi brandweerwa.
Die brandweerdiens het die Klein Treetjies-kleuterskool in Modimolle op Vrydag 3 November besoek. DIt het vir groot opwinding gesorg. Op die foto is die gr. R-klas saam met brandweerman Thabo Lekalakala. Hulle is Louis Jansen, Bokang Maponyane, Liza Conradie (onderwyser), Xhaidyn Raath, Ané Schlemmer, Rati Mashao, Chantelle Boshoff, Leticia Groenewald en Fransie Boettcher (waarnemende skoolhoof).
Nie net kon die kinders self die brandslang vashou nie, maar hulle is ook sopnat gespuit. Thabo Lekalakala verduidelik vir Ruben Pema mooi hoe die brandslang vasgehou moet word.