Gimnaste van die Kruiskrag-gimnastiekklub in Bela-Bela het op Saterdag 23 Julie aan die Waterberg-distrikgimnastiekkompetisie by Castle de Wildt in Modimolle deelgeneem en verskeie medaljes verower. Voor is Divan Nel (goud en algeheel tweede in sy klas), Johan Brits (brons), Derik Smith (brons), Frans Brits (brons) en Dirk Brits (brons). Agter is Kayla Berrange (brons), Jemma de Beer (goud en algeheel tweede), Mione Smith (brons, algeheel derde), Lenchen Kellerman (brons), Mia-Mari Barnard (brons, algeheel eerste), Hope Nkuna (goud) en Silara van der Merwe (brons). Op die foto hieronder is Noah Rhodes (brons), Sinzé Oosthuizen (brons, algeheel eerste) en Henk Rhodes (silwer).
Twee spreekkore (bo en onder) van die Euphorbia Christelike Onafhanklike Skool in Mookgophong het hul goed van hul taak gekwyt tydens die onlangse Eugène N. Marais-kunsfees. Die junior spreekkoor het ’n spesiale toekenning, en die senior spreekkoor ’n goue toekenning, ontvang. Hulle word afgerig deur Belinda Booysen.
Drie landloopatlete van die Euphorbia Christelike Onafhanklike Skool in Mookgophong, Mia Botha, Kara Muller en Lize Janse van Vuuren, het baie goeie tye gehardloop tydens die tweede skole landloopbyeenkoms op Woensdag 16 Augustus in Lephalale. Mia was eerste, Kara tweede en Lize derde.Die landloopatlete van die Euphorbia Christelike Onafhanklike Skool in Mookgophong het op Woensdag 2 Augustus baie goed gevaar tydens die eerste skole landloopkompetisie by Laerskool Julian Muller. Mia Botha (o.13) het tweede en Kara Muller (o.10) derde geëindig.Miané Loots en Mia Botha van die Euphorbia Christelike Onafhanklike Skool in Mookgophong het hul woord gestand gedoen tydens die Interlaerskole se redenaarskompetisie wat op Saterdag 12 Augustus by Laerskool Warmbad in Bela-Bela gehou is. Albei is as wenner in hul afdeling aangewys.Die Euphorbia Christelike Onafhanklike Skool in Mookgophong se fietsryers het weer hul staal gewys tydens die tweede skolefietswedren wat op Saterdag 12 Augustus by Hoërskool Tom Naudé in Polokwane gehou is. Shani Botha was tweede in die Nipper-afdeling en Michiel Genis derde in die sub junior laerskool-afdeling. Hulle het ook baie goed gevaar tydens die derde wedren op Saterdag 19 Augustus by Hoërskool Louis Trichardt in Makhado. Shani het ’n eerste- en Michiel ’n derde plek behaal.