Hoërskool Nylstroom se o.15-hokkiespan het op Saterdag 29 Julie koning gekraai in die kleinskole afdeling van die Noordvaal-toernooi by Hoërskool Dr. Malan in Meyerton. Die Nylies het dié gesogte trofee omhoog gehou toe hulle in die semi-finaal teen Hoërskool Frans du Toit van Phala-
borwa gespeel het en oortuigend met 4-0 gewen het. Lebo Monyela en Buhle Mananga het elk twee doele aangeteken. Hulle het die span van Hoërskool Hendrina in die finaal met 3-2 gewen nadat Buhle Mananga twee doele laat klap het en Jessica Putter nog een verby die doelwagter ge-
skiet het. Die span se kaptein is Marilize Steenkamp en onderkaptein is Liandi du Plessis. Hulle word afgerig deur Celeste Pretorius en Nicky Fourie.
Die fikse fietsryers van die Euphorbia Christelike Onafhanklike Skool in Mookgophong het baie goed presteer tydens die onlangse 2023 XCO-reeks. Michiel Genis en Mary Jane Rabie is albei in die Limpopo-span opgeneem. Michiel het Limpopo tydens die interprovinsiale kompetisie in Cascades, Pietermaritzburg, verteenwoordig.