Twee leerders van Laerskool Warmbad, Amelie Olivier (bo) en Linieke Diederiks (onder), het buitengewone leierskapeienskappe getoon. Die skool het in 2022 ’n beloning-
stelsel in plek gesit waar leerders wat op verskeie vlakke uitstaan, punte vir
hul deelname en prestasies ontvang. Albei leerders het die merkwaardige
aanprysingskerf van 400 bereik en het in aanmerking gekom vir die gesogte
Warribility-toekenning.
Drie jong aspirantmodelle van Hoërskool Warmbad — Amore van der Merwe, Angelique van Jaarsveld en Chenell Maidment — het op Saterdag 22 Julie in Emalahleni (Witbank) deelgeneem aan Talent Africa se streeksuitdunne. Al drie het uitsonderlik op die loopplank presteer en deurgedring na die nasionale kompetisie wat in September in Sasolburg plaasvind. Al drie het provinsiale kleure verwerf. Indien hulle in September onder die toppresteerders is, kan hulle kwalifiseer vir die internasionale kompetisie in New York. Hulle is deel van die modelagentskap, b-U Models in Bela-Bela. Karen Odendaal is hul afrigter.
