Municipal
Nuwe burgemeester ingelyf vir Modimolle-Mookgophong-munisipaliteit
Die Modimolle-Mookgophong munisipale raadslede het uiteindelik op Woensdag 12 Julie hul nuwe eerste burger verkies om wyle Marlene van Staden as burgemeester op te volg.
Van Staden is in Junie aan kanker oorlede.
Die keuse vir haar opvolger was tussen Hercules Louw van die DA en Aaron Sebolai van die ANC. Sebolai het na die 2021 munisipale verkiesing teen Van Staden vir die burgemeesterpos gestaan, maar Van Staden was herverkies.
Die raadslede het egter Woensdag in sy guns getel en hy is as die nuwe burgemeester verkies.
