Kruiskrag-gimnastiekklub in Bela-Bela se gimnaste het op Vrydag 16 Junie aan ’n vriendskaplike kompetisie in Mookgopong deelgeneem en baie goed gevaar. Voor is Noah Rhodes en Derik Smith, wat albei bronsmedaljes verower het. Noah het ook ’n trofee gewen. Agter hulle is Frans Brits (brons) en Johan Brits (silwer). In die derde ry is Jemma de Beer (goud en ’n trofee), Ané Snyman (brons), Divan Nel (goud), Sinzé Oosthuizen (brons), Mioné Smith (brons en ’n trofee). Agter is Henk Rhodes (silwer), Kayla Berrange (brons) en Dirk Brits (silwer).
Christi Paul, ’n jong gimnas van die Kruiskrag-gimnastiekklub in Bela-Bela, het op Saterdag 17 Junie aan ’n vriendskaplike tuimelkompetisie by die Universiteit van Pretoria deelgeneem. Sy het uitgestaan in haar ouderdomsgroep en ’n bronsmedalje verower.Die Koro Creek seniors gholfklub raak elke maand gewilder in Modimolle. Hul sê die ledetal het al aansienlik toegeneem met senior spelers wat graag ’n potjie gholf saam kom speel. Die klub speel elke eerste Dinsdag van die maand teen mekaar en die wenner stap weg met ’n prys. Die klub spog ook deesdae met splinternuwe spandrag. Die bestuur is baie dankbaar teenoor Haval Modimolle en Haval Bela-Bela wat die spelers trots laat voel om deel van die klub te wees met hul nuwe spandrag.