Party skole verbeter, ander boer agteruit

Die provinsie met sy 110 295 matrieks het egter steeds die swakste in die land gevaar wat slaagsyfer betref met die nasionale syfer wat op 80,1% staan.

Leerders in die Waterberg het beter gevaar as in die res van die provinsie, met die distrik wat tweede beste gevaar het met ’n 77,5% slaagsyfer naas Mogalakwena se 78,3%.

Die matriekslaagsyfer van hoërskole in die Modimolle-Mookgophong-munisipaliteit het volgens Marlene van Staden, burgemeester, soos volg gelyk:

• Hoërskool Hans Strijdom in Mookgophong het ’n 100% slaagsyfer teenoor 96,2% in 2021 behaal. Daar het 111 matrieks eksamen geskryf.
• Die Waterbergskool vir CVO in Modimolle se twee matriekleerders het ’n 100% slaagsyfer behaal.
• Waterberg Academy in Vaalwater se vyf matriekleerders het ook ’n 100% slaagsyfer behaal.
• Hoërskool Nylstroom behaal ’n 97,4% slaagsyfer vir hul 117 matrieks teenoor verlede jaar se 96,8%.
• Leseding High School in Vaalwater behaal ’n 96,2% slaagsyfer vir hul 79 matrieks.
• Phagameng High School in Modimolle se 315 matrieks behaal ’n slaagsyfer van 84,4% teenoor verlede jaar se 61,8%.
• Daar het 83,1% van die 83 matriekleerders aan Settlers Agricultural High School geslaag teenoor 67,9% die vorige jaar.
• Roedtan Combined School het ’n slaagsyfer van 82,4% vir hul 17 matrieks teenoor 77,8% verlede jaar.
• Makhutjisha Secondary School in Mookgophong se 183 matrieks behaal ’n slaagsyfer van 80,3% teenoor verlede jaar se 63,3%.
• Mohlakamotale High School in Alma het ’n slaagsyfer van 79,2% vir hul 48 matrieks. Verlede jaar se slaagsyfer was 77,4%.
• Solomon Mahlangu High School se slaagsyfer is 74,5%. Dit is ’n verbetering vanaf verlede jaar se 68,3% vir hul 137 matrieks.
• Mokhari Secondary School in Mookgophong se 72 matrieks het ’n slaagsyfer van 68,1%. Dit is ’n afname van verlede jaar se 79,7%.
• Daar het 60,2% van Meetsetshela Secondary School in Vaalwater se 103 matrieks geslaag. Verlede jaar se slaagsyfer was 78,1%.
• By Moshia High School in Alma slaag 51,4% van die 37 matrieks. Verlede jaar het 76,2% geslaag.
• Slegs 50% van Letamong Combined School in Mookgophong se agt matrieks het geslaag.