Home/News/Local news/Geite en giere… Local newsNews Geite en giere… Wat gebeur in- en om die Waterberg? March 28, 2022 Die Pos-span / The Post team Less than a minute Facebook X LinkedIn Tumblr Pinterest WhatsApp Telegram Share via Email Print Die Nederduitsch Hervormde Kerk se Warmbad-gemeente het op Sondag 13 Maart hul nuwe leraar, dr. Barry van Wyk, in hul midde verwelkom. Van Wyk neem oor by ds. Neels van Tonder wat intussen afgetree het. Van Wyk is sedert 1973 by kerksake betrokke. Hy het teologie aan die Universiteit van Pretoria en ook in Nederland gestudeer. Hy en sy vrou, Rensché, ’n afgetrede onderwyser, woon in Modimolle. Van Wyk het gesê hy het tot op hede ’n baie vervullende beroep gehad. “Ek is in diens van die kerk en put my krag en inspirasie daaruit om die Woord uit die Bybel te verkondig,” het hy gesê. Hy is dankbaar teenoor die gemeente vir die hartlike ontvangs. Chris van der Merwe (82), bekende boer van die Springbokvlakte, is op Dins-dag 22 Maart in die Zuid Afrikaans-hospitaal in Pretoria aan hartkomplikasies oorlede. Hy woon sedert sy kinderjare op die plaas Worthing naby Settlers. Van der Merwe het ná sy studies in landbou op die plaas kom boer. Begrafnis-reëlings was teen druktyd nog nie bekend nie. Hy word onthou as ’n baanbre-kerboer, pa en oupa. Hy word oorleef deur sy vrou, D’Vida, twee broers, ’n suster, vier kinders en verskeie klein- en agterkleinkinders. Op die foto is hy en sy vrou, D’Vida.Die Waterberg neem op Woensdag 6 April met swaar harte afskeid van Cas en Kobie Swanepoel. Die Swanepoels verhuis na Vredenburg aan die Kaapse Weskus. Die Swanepoels het 23 jaar in die Waterberg gewoon — eers sewe jaar in Mabalingwe, toe twee jaar op Intaba Indle en daarna nege jaar in die Renaissance-aftreeoord. Die afgelope ses jaar het hulle in Bosveldsig in Modimolle gewoon. Hulle sê hulle gaan die Bosveld en sy mense, gemeentelede van die Hervormde Kerk Waterberg en ds. Willem Sauer en Die Pos-koerant ontsettend mis. Hulle sal ook vir dr. Roelof Coertze, wat 20 jaar lank hulle huisdokter was, baie mis.Dolf Britz (96) van Bela-Bela is op Woensdag 16 Maart by die Warmbad Rusoord se Tehuis vir Bejaardes oorlede. Britz was voor sy aftrede ’n diamantslyper. Hy het sedert 1994 in die Tuin Tuiste-aftreeoord gewoon. Sy vrou, Annatjie, is reeds oorlede. Hulle is in 1923 getroud en het drie dogters gehad. Britz het baie goed gholf gespeel en was baie bekend by die Koro Creek-gholflandgoed waar hy verskeie toekennings verower het. Sy familie is dankbaar dat hy tot onlangs relatief goeie gesondheid geniet het. Hy word onthou as ’n goeie vriend, pa en as ’n perfeksionis. Sy roudiens vind op Vrydag 25 Maart om 11:00 vanuit die NG Warmbad Wes-gemeente in die dorp plaas. March 28, 2022 Die Pos-span / The Post team Less than a minute Facebook X LinkedIn Tumblr Pinterest WhatsApp Telegram Share via Email Print Share Facebook X LinkedIn Pinterest WhatsApp Telegram Share via Email Print