Die Waterbergskool vir Christelike Volkseie Onderwys (CVO) in Modimolle is trots op die drie matrieks wat die onafhanklike eksamenraad (IEB) se eindeksamen in 2021 afgelê het.
Adriaan Roets het ’n allemintige 91% behaal in Ingenieurs- en grafiese-ontwerp (IGO) en hy is deur die Beweging vir Christelike Volkseie Onderwys (BCVO) aangewys as beste presteerder in hierdie vak. Die BCVO is die sambreelmaatskappy waarby alle CVO-skole geaffilieër is.
Carmi Le Roux het ’n onderskeiding behaal in wiskundige geletterdheid.Luné Roux het twee A’s verower vir wiskunde en Christelike-lewensoriëntering (CLO).