Roelf Vorster, skoolhoof, het die trofeë oorhandig en gesê hy is baie trots op al die leerders wat ondanks ’n uitdagende skooljaar hul beste gelewer het.
Die trofee vir sportmeisie van die jaar is aan Elandi van Staden toegeken en Johan Bosch was die sportseun van die jaar. Erlu Fourie (2021 se hoofseun) het die trofee vir kultuurleerder van die jaar ontvang.
Ander sporttoekennings het gegaan aan Ben van Jaarsveld (landloper van die jaar), Desiré Coetzee (netbal), Johan Bosch (krieket), Elandi van Staden (hokkie) en Louis Erasmus (gholf). Die beste tennisspelers van die jaar was Johan Bosch en Melissa Meyer.
Die topatlete is ook tydens die prysuitdeling aangewys. MW van der Merwe en Jayden Coetzee was die junior Victor Ludorum-atlete. Lizey Boshoff, Nicola van Zyl en Janika van Niekerk het saam die junior Victrix Ludorum-toekenning ontvang. Peet Snyman was die senior Victor Ludorum-atleet en Shimondré Southern en Danelle Roos deel die senior Victrix Ludorum-trofee.
Deacon Badenhorst (gr.7) het spesiale erkenning gekry omdat hy nie een dag afwesig was sedert sy eerste dag in gr.1 nie. Dit is voorwaar ’n merkwaardige prestasie.
