Julius en Cathy Pistorius van Bela-Bela het rede om sommer baie trots te wees op hul kleinseun, GJ Maree (17). Dié jong krieketspeler van Grey College in Bloemfontein speel reeds sedert hy 11 jaar oud is vir Vrystaat krieket en het hom onderskei as linkerhandkolwer en ’n raakvatpaaltjiewagter. Hy is gekies as net een van 15 spelers wat Suid-Afrika in 2022 in die o.19-krieketwêreldbekertoernooi in Wes-Indië sal verteenwoordig. Sy ma, Surika Maree (Pistorius), was in 1994 hoofmeisie van Hoërskool Warmbad en op haar dag self ’n uithalersport-
vrou wat hokkie op provinsiale vlak gespeel het. Foto: Verskaf.
Annette van Dyk, inwoner van die Kokanje-aftreeoord in Modimolle, het op Vrydag 12 November aan die Gauteng-Noord-meestersatletiekkampioenskap in Pretoria deelgeneem. Sy het vier medaljes in haar ouderdomsgroep vir spiesgooi (goud), skyfwerp (silwer), Griekse diskus (silwer) en gewigstoot (silwer) gewen. Haar twee Kokanje-spanmaats, Miggie van der Walt en Ria Ludick, kon ongelukkig nie aan die byeenkoms deelneem nie. Van Dyk moedig atlete ouer as 35 aan om by hul plaaslike klubs aan te sluit, want ’n gesonde liggaam huisves ’n gesonde gees.
You can read the full story on our App. Download it here.
