Local sportSport
Hoërskool Frikkie Meyer slaan ’n kolhou
Die Thabazimbi-gholfbaan was op Saterdag 6 November van vroegdag ’n miernes van bedrywigheid tydens Hoërskool Frikkie Meyer se gholfdag.
Die kompetisie was op ’n Scramble Drive Better Ball-riglyne geskoei en altesame 23 vierbalspanne het deelgeneem.
Willem Strauss, president van die Blou Bulle Rugbyunie (BBRU), het al die pad uit die Jakarandastad kom kuier om die dag saam met die dorp se sportgeesdriftiges deur te bring.
Oud en jonk was opgewonde om ’n foto te neem saam met Strauss en die Currie-beker wat hy van Loftus Versveld af saamgebring het.
Hoërskool Frikkie Meyer bedank alle borge, personeellede en ondersteuners wat bygedra het tot die dag se sukses.
