![](https://images.caxton.co.za/wp-content/uploads/sites/134/2021/09/THABA-2-Revue-780x470.jpg)
Leerders en personeel was sedert Maart vanjaar stil-stil aan die oefen en verlede week het die tyd aangebreek om die langverwagte musiekvideo op te neem.
Thabazimbi se gemeenskap is sedert die uitbreek van die Covid-19-pandemie baie diep getref deur die dood van talle bekende en beminde inwoners en juis daarom wil die skool, saam met Joshua na die Reën se lied “Lig op die Horison,” ’n boodskap van nuwe hoop bring.
![](https://images.caxton.co.za/wp-content/uploads/sites/134/2021/09/THABA-3-Revue-800x467.jpg)
Die dorp gons behoorlik oor die uitreiking van die musiekvideo. Met die puik marimba-spel van die skool se leerders en die suiwer klanke van die dorp se beste jong sangers is die verwagtinge dat die Kransberg antwoord sal gee tydens die musiekproduksie.
Die musiekvideo word in die laaste week van Oktober vrygestel op Raindust, ’n platform wat geskep is vir Suid-Afrikaanse-kunstenaars.
![](https://images.caxton.co.za/wp-content/uploads/sites/134/2021/09/THABA-5-Revue-800x508.jpg)
Kaartjies sal binnekort op dié platform te koop wees om die video-vrystelling aanlyn by te woon. Laerskool Thabazimbi se weergawe van “Lig op die Horison” saam met Joshua na die Reën sal daarna ook beskikbaar wees op Apple Music en iTunes en die musiekvideo sal ook op ander sosiale media platforms beskikbaar gestel word.
Inwoners moet seker maak dat hulle nie hierdie uithalerproduksie misloop. Loop saam met Laerskool Thabazimbi die pad na die mooi; na die lig op die horison.