Local sportSport
Dames durf die lang pad aan teen kanker
Die Kankervereniging van Suid-Afrika (Kansa) se Waterberg-tak het op Saterdag 21 Augustus hul jaarlikse Kranskop-pretloop in Modimolle gehou.
Volgens Ansie van Heerden, projekkoördineerder, was die pretloop ’n groot sukses met ongeveer R13 000 wat ingesamel is.
Daar was ongeveer 100 deelnemers wat die 5 km- en 10 km-afstande voltooi het. Die Modimolle DA-tak, onder leiding van Marlene van Staden, burgemeester van die Modimolle-Mookgophong plaaslike munisipaliteit, het twee van die waterpunte beman en gesorg vir ‘n prettige atmosfeer.
Remax se Bosveld-tak in Modimolle het die ander waterpunt beman.
Bel gerus vir Ansie van Heerden by tel. 076 409 4444 vir meer inligting oor die volgende pretloop in die omgewing.
