Warmpatat: Inwoners van Bela-Bela oorval die munisipaliteit met dienslewerings-
klagtes. Volgens Daleen Steynberg van die Bela-Bela-belastingbetalersforum (BBTF) kan inwoners klagtes (met stawende foto’s) na haar stuur en sy maak werk daarvan om te sorg dat dit wel deur die regte kanale aangemeld word. Die afgelope week het talle inwoners gekla oor riool oorkant Forever Resorts naby die Warmbad-hospitaal, asook voor die NTK. Inwoners kla ook al maande lank oor dié lekplek op die hoek van Soetdoring- en Flamboyantstraat in die woongebied. Klagtes met stawende foto’s kan na Steynberg gestuur word by tel. 082 787 5067. Inwoners word ook aangemoedig om by die munisipale klagtegroep se WhatsApp-groep aan te sluit.
Warmpatat: Inwoners van Kretzchmarlaan in Bela-Bela kla al weke lank oor dié rioollek in die straat wat nie na behore herstel word nie. Die straat het verskeie gastehuise en woonstelblokke wie se inwoners erg verontrief word. ’n Woordvoerder van Strelitzia Guest House het aan Die Pos gesê hulle is moedeloos met die situasie en dat dit ’n swak indruk van die dorp skep. Die lekplek is by die munisipaliteit aangemeld, maar was teen druktyd vandeesweek nog nie herstel nie.Chloé Pringle, ’n gr. 7-leerder van Laerskool Nylstroom, het nie stilgesit tydens die ekstralang skoolvakansie nie. Chloé, wat van jongs af bedrewe met die hekelpen is, het vir haar oupa, Tiaan Fourie, ’n kniekombers gehekel om hom teen die winterkoue te beskerm.Anneline du Preez, ’n personeellid van Die Pos-koerant se Bela-Bela-kantoor, het dié pragtige hospitaalsakkies vir Covid-19-pasiënte gemaak. Dit is handgemaak en gepak met items soos ontsmettingsmiddel, lyfroom, handsaniteerder, tandepaste, tandeborsels, waslappies en sommer alles wat ’n mens nodig kry as jy inderhaas hospitaal toe moet gaan. Die Pos deel dit gratis uit aan mense wat dit nodig het.