Junie is leesmaand by Laerskool Nylstroom in Modimolle. Leerders mag elke dag ’n geliefde storieboek skool toe bring om te lees gedurende die spesiale leesperiode. Leesmaand word op Vrydag 2 Julie op ’n prettige manier afgesluit met leerders wat kan aantrek soos hul gunstelingstorieboekkarakters. Op die foto is leerders, voete op die tafel, besig met “genotlees” in Mari Victor (gr.3 M) se klas.
Die personeellede van Laerskool Warmbad se Therapy Shack, wat aan skoolleerders berading en ondersteuning bied, is baie opgewonde oor hul nuutste apparate wat met beradingsessie sal help. Zelda Wessels, die skool se berader, en Mel Chapman, wat jarelange ondervinding in onderwys het, het die terapeutiese speelgoed self ontwerp en gemaak. Die gebruik van dié speelgoed word met groot sukses in terapiesessies aangewend. Op die foto is Chapman en Wessels by hul rak vol terapeutiese speelgoed.