![](https://images.caxton.co.za/wp-content/uploads/sites/134/2021/03/Taylor-de-Beer-en-Merenshia-Joubert-780x470.jpg)
Leerders van Hoërskool Frikkie Meyer het die afgelope week hande met hul onderwysers en die ATKV gevat om nuwe verftegnieke te leer, hul vaardighede te ontwikkel en te leer hoe om die alledaagse lewe met kreatiwiteit uit te beeld.
![](https://images.caxton.co.za/wp-content/uploads/sites/134/2021/03/Zaskia-Joubert-en-Michelle-Kruger-800x533.jpg)
Rita Volschenk, verteenwoordiger van die ATKV, het haar opgewondenheid uitgespreek oor die projek en die potensiaal wat dit die leerders en ander jong kuns- tenaars van Thabazimbi bied.
“Dit is ’n besondere voorreg om saam met gesiene kunstenaars en leerders te werk om kuns te skep en talente te ontwikkel,” het Volschenk gesê.
![](https://images.caxton.co.za/wp-content/uploads/sites/134/2021/03/Zettie-Pelser-Rita-Volchenk-en-juffrou-Christie-Brits-800x555.jpg)
Die skool se gr. 10-leerders het saam met Zettie Pelser, een van Thabazimbi se mees gerespekteerde kunstenaars, bewys dat die kuns van menswees en van lewe in almal lê.
Die ATKV is al jare lank betrokke by die ontwikkeling van leerders regoor die land. Vir meer inligting oor die ATKV en hul projekte, bel vir Linda Grobler by tel. 073 467 2185.