![](https://images.caxton.co.za/wp-content/uploads/sites/134/2021/03/modi-student-freepik.jpg)
Sy het goedkeuring by die Rosebank College gekry en beoog om by die Polokwane-kampus te studeer. Ongelukkig is daar verskeie finansiële hindernisse op haar pad.
Sy en haar ma, wat sedert 2014 werkloos is, woon in die Phagameng-township. Hulle het reeds beursaansoeke ingedien, maar sal eers teen April weet of enige beurse toegestaan is.
Intussen moet die registrasiefooi vir haar studies en koshuisverblyf reeds teen Maandag 15 Maart betaal word.
Pat Groenewald, ’n jarelange pastorale terapeut in Modimolle, het aan Die Pos gesê: “Ek het hierdie leerder sedert 2018 gehelp met ekstra klasse in Afrikaans (Eerste Addisionele Taal) en haar leer ken as ’n toegewyde student. Sy het altyd betyds opgedaag vir lesse, was netjies aangetrek en het sulke goeie maniere. Sy en haar ma is wonderlike, nederige mense met goeie waardes.”
Groenewald het verder gesê sy wil graag hierdie jong meisie help om ’n suksesvolle loopbaan te bou en wil daarom ’n beroep doen op mense vir moontlike skenkings.
Belangstellendes kan vir Pat Groenewald bel by tel. 082 925 5514 vir meer inligting.