![](https://images.caxton.co.za/wp-content/uploads/sites/134/2020/12/3a-1-780x470.jpg)
Volgens kol. Moatshe Ngoepe, provinsiale polisiewoordvoerder, het die voorval om ongeveer 10:30 die oggend plaasgevind.
Die taxi was onderweg van Polokwane na Pretoria en het by die vulstasie stilgehou.
“Die passasiers en bestuurder het na die vulstasie se winkel gegaan en met hul terugkeer het twee verdagtes te voorskyn gekom en met handwapens op die bestuurder losgebrand.”
Die moordenaars het daarna op die vlug geslaan in ’n rooi Volkswagen Polo-voertuig. Die nommerplaat is nog nie bekend nie, het Ngoepe gesê.
Die polisie en nooddienste is ontbied, maar die bestuurder is op die toneel dood verklaar. ’n Vroue-passasier is ook raakgeskiet, maar het die aanval oorleef.
“Die rede vir die aanval is nog onduidelik. Die polisie vermoed dat dit verband hou met die geskille tussen taxi-eienaars oor die toekenning van bepaalde roetes. Die saak word ondersoek,” het Ngoepe gesê.
Die taxi-bestuurder is intussen geïdentifiseer as Abel Shoba (65) van Sekhukhune, het sers. Frans Maponya, Bela-Bela-polisiewoordvoerder teen druktyd bevestig.
Niemand is in verband met die moord aangekeer nie.
Enigiemand met inligting kan lt. kol. Richard Boshomane bel by tel. 079 894 5501.