![](https://images.caxton.co.za/wp-content/uploads/sites/134/2020/11/rowers-vas-pxhere-780x470.jpg)
Surett Grobler en Johann van Baalen is net ná 02:00 die nag in hul slaapkamer oorval nadat die gewapende rowers toegang tot hul slaapkamer via die balkon verkry het.
Die kamerdeur was gesluit, het hulle destyds aan Die Pos gesê. Grobler en Van Baalen se hande en voete is met skoenveters, selfoonlaaiers en ’n haardroër se kabel vasgebind.
Die mans het met wapens, juwele en kontant gevlug. Die paartjie, wat in die kamer toegesluit is, kon hulself loswikkel en alarm maak.
AO James Findlay, woordvoerder van die Modimolle-polisie, het gesê die mans is op Maandag 2 November in die Marikana-omgewing in Noordwes aangekeer.
“Die mans verskyn eers in Marikana op aanklagte van ander sake. Hulle sal op Donderdag 12 November aansoek doen om borgtog waarna hulle na die Modimolle-polisiestasie gebring sal word,” het Findlay gesê.