Volgens kapt. Annemarie Smith, speurtakhoof van die Bela-Bela-polisie, het die ongeluk omstreeks 10:15 in die omgewing van die Potgieter- en Van der Merwestraatkruising plaasgevind.
Luidens die klagstaat het die bestuurder van ’n Volkswagen Polo die sperstreep by die stopstraat oorgesteek en die vrou in die proses getref.
Die impak van die botsing het die slagoffer deur die lug geslinger en sy het die grond hard getref.
Sy is na verneem word dood weens inwendige beserings. Die vrou is teen druktyd deur haar familie as Paulina Maseko (61) geïdentifiseer.
Sy het in Lesideng in die Bela-Bela-township gewoon. Die bestuurder van die voertuig is op die toneel in hegtenis geneem en van strafbare manslag aangekla.
Hy was teen druktyd steeds in aanhouding.