![](https://images.caxton.co.za/wp-content/uploads/sites/134/2020/09/rowers-freepik.jpg)
Die groep mans het volgens AO James Findlay, woordvoerder van die Modimolle-polisie, op Saterdagoggend 19 September om 09:00 op die huis in Wolmaransstraat toegeslaan.
Slegs die vrou en haar dogtertjie was tuis. Hul identiteit is nie bekend gemaak nie.
“Die mans het by die huis se agterdeur ingekom en die vrou en kind vasgebind. Hulle het daarna die huis geplunder. Al wat vermis word, is ’n skootrekenaar en selfoon,” het Findlay gesê.
Die vrou kon haarself teen ongeveer 11:00 loswikkel en haar man en bure kontak wat op hul beurt die polisie in kennis gestel het.
Niemand het ernstige beserings opgedoen nie.
Die egpaar, wat glo Ethiopiese burgers is, bedryf ’n winkel in Phagameng.
Die polisie het inwoners in die omgewing van Wolmarans-, Kerk-, en Boshoffstrate wat iets verdags opgemerk het of wat veiligheidskameras het, gevra om hulle te help met inligting.