![](https://images.caxton.co.za/wp-content/uploads/sites/134/2020/09/dronkbestuur-freepik.jpg)
AO James Findlay, woordvoerder van die Modimolle-polisie, het gesê dié gevalle het noemenswaardig toegeneem sedert drank makliker bekombaar is omdat die grendelregulasies aangepas is.
Misdade soos aanranding en verkragting, wat dikwels met drankmisbruik gepaardgaan, sal volgens hom vermoedelik ook nou toeneem.
Volgens die provinsiale departement van vervoer en gemeenskapsveiligheid is daar die afgelope naweek 48 mense in die provinsie in hegtenis geneem op aanklagte van dronkbestuur en 746 omdat hulle te vinnig gery het.
Volgens die departement het hulle strenger wetstoepassing toegepas omdat daar ’n beduidende toename in noodlottige ongelukke was.
Motorongelukke het gedurende die naweek van 19-20 September die lewens van tien mense in Limpopo geëis.
Drankmisbruik, roekelose bestuur en spoed was glo die grootste redes vir die ongelukke.