Dit volg nadat sewe ander verdagtes ook einde Augustus in Bela-Bela en Mokopane met ’n vrag vermoedelik gesteelde beeste aangekeer is.
Hulle het reeds in die hof verskyn. Kol. Moatshe Ngoepe, provinsiale polisiewoordvoerder, het aan Die Pos gesê in die jongste voorval het beamptes om 18:00 die dag ’n stilstaande goudkleurige Toyota Hilux-bakkie met ’n sleepwa vol beeste gewaar en ondersoek ingestel.
Die bakkie was langs die R101-pad tussen Modimolle en Bela-Bela geparkeer. Die beamptes het die drie insittendes in die bakkie oor die beeste uitgevra, maar die mans kon nie bewyse toon dat hulle besig was om die vee wettig te vervoer nie.
Die verdagtes, Kgaugelo Diago (29), Mangoba Mtuli (26) en Sipho Masina (29) is in hegtenis geneem en aangekla van die besit van vermoedelik gesteelde vee. Die drie het reeds in die hof verskyn en hulle sal na verwagting op Woensdag 16 September om borgtog aansoek doen.
Al die verdagtes is steeds in aanhouding.
- Hoewel veediefstal in Limpopo volgens die polisie se amptelike syfers met ongeveer 10% gedaal het, het die polisie altesame 516 veediefstalondersoeke tussen April en Junie vanjaar gedoen.
Daar is tot dusver 17 sake in Bela-Bela aangemeld, 14 in Modimolle, 11 in Mookgophong en twee in Thabazimbi. Geen gevalle is in Tuinplaas en Vaalwater aangemeld nie.