Gawie Richter, Modimolle, skryf:
Met somer net om die draai, is dit nou tyd om vir boomplantdag ’n plekkie in die tuin vir ’n vrugteboom reg te maak.
Ons besondere klimaat maak Modimolle geskik vir bykans alle vrugtesoorte.
Die haas ongekende koue het wel vanjaar geringe skade aangerig.
Onthou net dat grond en plante die nodige aandag verg en met die regte bemesting en sorg sal vrugtebome ’n mens ryklik met vrugte beloon.
Omdat water skaars en duur is, kan die klem dalk verskuif na iets soos bloubessies wat baie gewild is.
Miskien is daar iemand in die omgewing wat ons meer oor dié vruggies kan vertel?
