Die NG Waterberg-gemeente in Modimolle het op Sondag 26 Januarie hul jaarlikse gr. 1-Sondag gehou. Al Laerskool Nylstroom se gr. 1-leerders van 2020, asook hul ouers, is genooi om hierdie spesiale erediens by te woon. Elke kind het ’n spesiale oom of tannie gekry wat vir die volgende 12 jaar van hulle skoolloopbaan elke dag vir hulle sal bid. Ná die diens kon die kinders elkeen ’n kolwyntjie versier.
Die Hansies het onlangs hul gr. 8-verteenwoordigers op die raad van leerders (VRL) verkies. Voor: Charné Verster, Annecke Stassen, Charlize van Emmenes. Miance Kotze en Ntsegi Mathekga. Agter is Kruger Schutte, Brendan Davey, Pieter Harmse, Marcus van der Walt en Daniel Moyo.
Die Waterbergskool vir CVO in Modimolle het op Woensdag 4 Maart hul groentjiekonsert tot groot vermaak van medeleerders, personeel en ouers aangebied. Op die foto is die “troepe” Christiaan Prinsloo, Wiets Botes, Stephan Roets, Elni Jooste, Glaudette van Rooyen en Henru Botha wat moet uithaal en wys om die seniors tevrede te stel. Foto: Herman Steyn