Gawie Richter van Modimolle skryf:
Met die lees van die berig “Afriforum help met boom” in Die Pos van Vrydag 21 Februarie het ek my kop in skaamte laat sak om te dink hoe sleg ’n mens kan wees.
Blykbaar het dit die modus operandi van hoogsbesoldigde amptenare van die Modimolle-Mookgophong-munisipaliteit geword om te wag en toe te kyk hoedat die gemeenskap, sonder vergoeding, die munisipaliteit se werk vir hulle doen.
Saam met tientalle lesers van ons pragtige koerant en Maria van Schalkwyk, dra ek my dank aan Phillip van Staden van AfriFforum oor, wat die boom gratis op die sypaadjie in Mookgophong verwyder het.
’n Mens het nie ’n kommando werkers met kettingsae nodig om ’n boom op te kap nie; nog minder toegang tot die huis.
Gaan kyk gerus langs paaie na braaihoutsmouse wat met handsae en byle boomstompe opkap. Word asseblief net wakker.