![](https://images.caxton.co.za/wp-content/uploads/sites/134/2020/02/fotograwe-pexels.jpg)
Leon le Roux, Mookgophong, skryf:
Ek is ’n pensioentrekker wat met ’n mediese toestand gediagnoseer is wat my daaglikse funksies baie inkort en my genoop het om op te hou werk.
Dit het my aanvanklik gefrustreerd gelaat, maar nou reik ek na my kamera om steeds die mooi in die omgewing om my vas te vang en te waardeer.
Ek wil graag hierdie foto’s van die natuur en van geskiedkundige en gedenkwaardige plekke met ander deel.
Ek sien gereeld in Die Pos foto’s van die Bosveld-fotografieklub in Modimolle en die Warmbad-fotografieklub in Bela-Bela. Is daar nie ywerige fotograwe in Mookgophong ook wat hierdie gemeenskaplike stokperdjie beoefen en ’n aktiewe klub op die been wil bring nie? Lede sal dalk nie net kosbare foto’s uitruil nie, maar ook waardevolle kennis.
Ek nooi belangstellendes wat dalk so ’n klub op die been wil bring, om my te bel by tel. 066 299 7476. (Brief verkort. — Red.)