Coen Weilbach, Rankinspas, skryf:
’n Hartlike woord van dank aan Richard en Mariëtte Nicholson en hul span vir die wonderlike werk wat hul die afgelope tien jaar gedoen het om die Taildragger Fly In te reël.
Dit was voorwaar ’n geleentheid waarna baie mense uitgesien het. Nie alleen was die vliegtuie ’n groot trekpleister nie, maar die kos en verversings wat te koop aangebied is, was puik en boonop baie bekostigbaar.
Dit is regtig baie hartseer dat die Taildragger Fly In nie in Modimolle kan voortgaan nie aangesien dit jaarliks ’n positiewe inspuiting in ons dorp se ekonomie was.
By so ’n heerlike gesinsgeleentheid was daar egter ook die negatiewe. Hoekom neem ons mekaar nie net in ag nie? Dit is so maklik om die tafel waar jy gesit en die heerlike verversings geniet het, op te ruim en skoon agter te laat. Daar was genoeg vullisdromme naby.
Nogmaals dankie aan die organiseerders vir ’n heerlike byeenkoms.