Local newsNews
Stap saam en red só die renoster
Mense wat wil help om die voortbestaan van renosters in Suid-Afrika te verseker, kan in Julie aan ’n optog in Bela-Bela deelneem.
Heino van Graan, ’n leerder aan Hoërskool Warmbad, sê hy het lede van die Save the Waterberg Rhino-organisasie ontmoet om bewusmaking van dié spesie se voortbestaan te bespreek.
“Renosters word daagliks gestroop en as mense nie daadwerklik optree nie, kan hierdie diere binne 10 jaar uitgewis wees,” het Heino gesê.
Die optog word voorlopig vir Saterdag 6 Julie beplan in Chris Hani-, Minnaar- en Groblerstraat, het Heino gesê.
Die groep sal aan die einde van die optog byeenkom en inligting oor renosters deel.
Heino nooi almal om op dié dag deel van die verrigtinge te wees.
Vir navrae kan mense hom bel of ’n WhatsApp-boodskap stuur na tel. 063 474 4245.
