Comrades-atlete keer vanjaar met nuwe medaljes huis toe
Waterberg-atlete het vanjaar weer hul onderskeie klubs trots gemaak tydens Sondag 9 Junie se Comrades-marathon vanaf Durban na Pietermaritzburg in KwaZulu-Natal.
![](https://images.caxton.co.za/wp-content/uploads/sites/134/2019/06/deine-lubbe-1.jpg)
Dit was ’n merkwaardige byeenkoms aangesien twee Suid-Afrikaners, Edward Mothibi en Gerda Steyn van Gauteng, met die louere weggestap het.
Mothibi het die marathon in ’n tyd van 05:31:33 en Steyn binne 05:58:53 voltooi.
![](https://images.caxton.co.za/wp-content/uploads/sites/134/2019/06/peter-kgabo-270x203.jpg)
Daar is ook tydens vanjaar se wedloop ’n nuwe medalje, die Robert Mtshali-medalje, aan atlete toegeken wat die wedloop binne 9-10 uur voltooi het. Mtshali was die eerste swart man wat aan die 15de Comrades in 1935 deelgeneem het. Hy is egter nooit geregistreer nie omdat slegs blanke atlete destyds aan die wedloop kon deelneem. Mtshali het die wedloop binne 09:30:00 voltooi en was een van slegs 35 atlete wat die eindstreep gehaal het.
Ses plaaslike langasems van Vaalwater, Bela-Bela en Modimolle het vanjaar met ’n Robert Mtshali-medalje teruggekeer.
Peter Kgabo (09:25:54) en Alice Coetser van Bela-Bela (09:06:16), Deine Lubbe van Vaalwater (09:54:46), Mike Selamolela (09:37:04), Piet Sekgadi (09:06:09) en Kwena Lamola (09:17:60) van Modimolle is almal met ’n Robert Mtshali vereer.
Kgabo is met ’n unieke groen Comrades nommer vereer aangesien hy aan sy tiende marathon deelgeneem het.
Neels Venter, voorsitter van die Warmbad/Bela-Bela-marathonklub, het vanjaar aan sy 11de Comrades deelgeneem, maar het nie die wedren voltooi nie. Die ander atlete van Bela-Bela wat die wedloop voltooi het, was Jack Manabile (10:52:50), Tjaart (snr.) (11:23:06), Tjaart (jnr.) (11:23:06) en Minnie Oosthuizen (11:23:07), asook Ezekiel Bokaba (11:40:45). Van die Nylstroom-marathonklub het Marietjie en Schalk van der Merwe die Comrades saam-saam binne 10:46:22 voltooi en Jane Lechelele (12:04:28) en Rodney Malatjie (12:15:54) was die atlete van die Fitness for all-klub in Modimolle wat die wenstreep gehaal het.
Johan Badenhorst van Modimolle het die wedloop in 10:53:00 voltooi. Hy hardloop vir die Nedbank-klub.