Topskut kan geweer losskiet
Die Bosveld-jagtersvereniging (BJV) se Waterberg-tak hou op Saterdag 18 Mei ’n skietkompetisie by die skietbaan op die Alma-pad buite Bela-Bela en deelnemers kan lekker groot pryse wen.
![](https://images.caxton.co.za/wp-content/uploads/sites/134/2019/05/howa243.jpg)
Skuts moet hul eie gewere en ammunisie bring om deel te neem. Slegs skuts met jaggewere — met enige senterslagkaliber — kan deelneem.
Die groeperingspunte in die 100 m- en 300 m-skietafdelings sal ná elke ronde deur onafhanklike tellinghouers getel word.
Die eerste prys is ’n Howa 243WIN SS/BB-geweer wat deesdae ongeveer R13 000 kos en op talle jagters se wenslys verskyn. Almal word hartlik genooi om mee te ding om hierdie gesogte prys. Daar is ook verskeie ander pryse op die spel.
Daar sal na afloop van die kompetisie ’n bring-en-braai gehou word. Die pap en sous sal voorsien word.
Die skietdag sal van 07:00 tot 15:00 plaasvind.
Vir navrae en inskrywingsfooie kan belangstellendes vir Japie Cilliers bel by tel. 082 899 0704.