Twee topatlete van Laerskool Vaalwater het op Vrydag 8 Maart aan die Limpopo-atletiekkampioenskap in Polokwane deelgeneem. Mica Snyders (meisies o.14) het ’n silwer medalje in gewigstoot verower met ’n afstand van 10,7 m. Charné Verster het die diskus 24,32 m ver gegooi, maar dit was nie ver genoeg om aan haar ’n medalje te besorg nie . Die Valies is trots op dié twee atlete se harde werk en deursettingsvermoë. Hulle hou Laerskool Vaalwater se naam hoog.
Dié vier trotse atlete van Hoërskool Nylstroom het Limpopo tydens die Suid-Afrikaanse atletiekkampioenskap in Port Elizabeth verteenwoordig. Keletso Mokgahlane (seuns 0.19) het deelgeneem aan die 400 m en ’n vyfde plek in sy uitdunronde behaal. Leonette Vosloo het haarself as die vyfde vinnigste o.19-meisie in die 100 m bewys. Sy was ook agtste in die 200 m. Danel Niemann (meisies o.17) het deelgeneem aan gewigstoot en diskus en ’n elfde plek in gewigstoot behaal. Martin Vosloo (seuns o.17) het aan die 100 m deelgeneem en vyfde in sy uitdunronde geëindig.
Anika Holtzhausen van Hoërskool Nylstroom het onlangs deelgeneem aan Suid-Afrikaanse tenniskampioen-skap in Pretoria. Sy het 16de in die o.15-ouderdomsgroep geëindig.
