Leeus skud Bulle se bootjie
Leeus vergroot gaping op Afrika Konferensie met oorwinning oor die Bulle.
Die Emirates Leeus het alle verwagtinge oorskry in die 2016 Vodacom Super Rugby reeks, en beklee die boonste posisie in die Afrika Konferensie na Saterdag, 28 Mei, se oorwinning oor die Vodacom Bulle.
Die Bulle het ‘n loesing van 56-20 op die lyf geloop nadat hul nabye bure, die Leeus, vir hulle in alle fastette van die spel ore aangesit het. Dit is die eerste keer dat die Leeus op Loftus Versfeld in ‘n Super Rugby reeks die Bulle geklop het.
Die Leeus het die Bulle bloedneus geslaan en sewe drieë ingeryg om sodoende ‘n bonus punt op die koop toe te verdien.
Dit plaas die Johannesburgse span, wat op 42 punte staan, sewe punte voor in die gesamentlike Afrika Konferensie.
DL Stormers is tans in die tweede plek met 36 punte.
Die Leeus se losskakel, Marnitz Boshoff, wie ook sy eerste verskying in Super Rugby vanjaar maak, het 21 punte met sy skopskop aangeteken.
Die Bulle het deurgaans in die wedstryd gesukkel om by die vinnige pas van die Leeus aan te pas, maar het teruggeveg om vir drie drieë oor te gaan.
Die Leeus se senter, Rohan Janse van Rensburg, het met sy twee drieë die oog gevang en kan gerus in die toekoms dopgehou word.
Puntemakers:
Vodacom Bulle: Drieë: Jesse Kriel, Adriaan Strauss, Deon Stegmann. Doeskoppe: Tian Schoeman. Strafskop: Francois Brummer
Emirates Leeus: Driee: Rohan Janse van Rensburg (2), Lionel Mapoe, Julian Redelinghuys, Jaco Kriel, Warren Whiteley, Faf de Klerk. Doelskoppe: Marnitz Boshoff (6). Strafskoppe: Boshoff (3)
Die ander Suid-Afrikaanse spanne wat op die wenpad in die 14de rondte van die kompetisie was, is die DHL Stormers, wat Toyota Cheetahs met 31-24 geklop het. Die Southern Kings wen 29-22 teen die Jaguars.
Die ander uitslae is:
Vrydag 27 Mei:
Hurricanes 27, Highlanders 20
Waratahs 45, Chiefs 25
Saterdag 28 Mei:
Blues 21, Crusaders 26
Brumbies 66, Sunwolves 5
Sondag 29 Mei:
Rebels 27, Force 22
