FIELIES, ’n Yorki terriër gekruis met ’n poedel, is ’n volle 20 mense-jare oud wat die meneer in honde-jare 140 jaar oud maak.
Volgens sy eienaar Jeanine Botha (79) van Alberante, het sy hom by haar oorlede skoonseun gekry nadat sy deur ’n baie moeilike tyd in haar lewe, net nadat haar poedel dood is, gegaan het. “Ek onthou ons het by die plaas aangekom en daar was vier klein hondjies. Ek wou ’n tefie gehad het, maar moes op die ou einde ’n reun vat,” het sy gesê.
Fielies spog met ’n goeie gesondheid en Jeanine het gesê dat sy kat-vriende hom baie besig hou. Hy sit nie vir een oomblik stil nie en het nog baie energie. En wanneer dit kom by die foto’s was Fielies al te gewillig om sy ‘pose’ te gooi – in ruil vir ’n bietjie troetel natuurlik.
Op sy ouderdom het die kalant natuurlik ’n spesiale dieet. Jeanine vertel dat hy net ontbeende hoender eet en hy het net vier tande oor.
For free daily local news in the south, visit our sister newspapers Alberton Record, Comaro Chronicle, Southern Courier and Get it Joburg South Magazine.
Remember to visit our Facebook, Twitter and Instagram pages. You can also email our offices on cvdwalt@caxton.co.za, juliem@caxton.co.za or luckyt@caxton.co.za
