Jaguars sluit seisoen af

Die klub se eerste en tweede spanne het Saterdag teen die Harlequins op laasgenoemde se tuisveld in Krugersdorp-wes uitgedraf.
Die tweedes het 21 – 12 gewen, terwyl die eerste span ongelukkig met ‘n telling van 8 – 56 die knie teen die Harlequins moes buig.
Hoewel dit die Jaguars se eerste bestaansjaar was én die eerste jaar wat hulle in die Leeus se Senior Grand Challenge-liga gespeel het, het die tweede span en die o.21 net-net nie na die kwarteindrondte deurgedring nie. Beide spanne het vyfde in hul ligas geëindig. Die eerste span het die seisoen met die sesde plek in die liga voltooi.