Speurders weer môre in die hof

Volgens die woordvoerder van die Onafhanklike Polisie-ondersoekdirektoraat (OPOD). Mnr. Robbie Raburabu, gaan die speurders, sers. Simphiwe Phineas Shongoyi van Carletonville en sers. Pitso Pholoalisema van Fochville in die Westonaria Landdroshof vir hul formele borgaansoeke verskyn.

Beide is steeds agter tralies na hulle ‘n week gelede na bewering twee inwoners van Bekkersdal van kontant en hul selfone beroof het. Hulle het hierna blykbaar ook ‘n brand gestig en word van roof, poging tot moord en opsetlike saakbeskadiging aangekla.