Man wat verdrink het se liggaam gevind

Nadat twee kinders wat verdrink het se liggame die afgelope week na ‘n week se soektog gevind is, is die man se liggaam vandag (Sondag, 21 Mei) opgespoor.

NW polisiewoordvoerder, kol. Adele Myburgh, het bevestig dat polisieduikers die man vandag gevind het.

Hierdie man (29) het vermoedelik saam met die twee seuns, wat onderskeidelik 7 en 9 jaar oud was, in ‘n kano op die plaasdam op Saterdag, 13 Mei gaan visvang toe die kano omgeslaan het.

Polisieduikers is daardie oggend omstreeks 09:40 in kennis gestel van die verdrinkingvoorval.

Dit is nog onseker hoe dit gebeur het. Daar word verwag dat die liggame in die komende week uitgeken sal word.