Polisieman dien net 21.29% van sy tronkstraf uit
’n Voormalige polisieman van ons buurdorp Vereeniging, wat wapens in polisiebesit gesteel en aan bendelede op die Kaapse Vlakte verkoop het, is toe wel in Augsutus 2020 vrygelaat nadat hy minder as ‘n vierde van sy vonnis uitgedien het
VEREENIGING. – Die minister van justisie en korrektiewe dienste, Ronald Lamola, het uitdeindelik erken dat oudkolonel Christiaan Prinsloo, wat in 2016 tot 18 jaar tronkstraf gevonnis is vir rampokkery, korrupsie en geldwassery, sedert 4 Augustus 2020 op parool uit is.
Prinsloo is in 2020 onder groot geheimhouding vrygelaat, maar nadat hy in ‘n winkel in Vereeniging gewaar is en die foto’s wyd op sosiale media versprei is, het mense begin vrae vra.
Die department van justisie en korrektiewe dienste wou tot dusvêr nie reageer op navrae rondom Prinsloo se vrylating nie.
Nou het Lamola erken dat Prinsloo gekwalifiseer het vir ‘n spesiale kwytskelding van die vonnis.
Lamola het gereageer op ‘n vraag wat Glynnis Breytenbach, ‘n DA parlementslid, aan hom gestel het.
Volgens die Antwoord wat Lamola gegee het is hy sedert Augustus 2020 op parool en die vonnis sal op 20 Junie 2033 verstryk.
Prinsloo het tussen 2007 en 2015 by die polisie se wapenstoor in Gauteng gewerk. Hy en kol. David Naidoo was in beheer van wapens wat geoormerk was om vernietig te word, maar hulle het meer as 2 000 wapens gesteel wat onder meer in die hande van bendes in die Kaapse Vlakte beland het.
Die nie-regeringsorganisasie Gun Free South Africa (GFSA) sê altesaam 1066 mense in vermoor met wapens wat Prinsloo-hulle in die hande van bendes op die Kaapse Vlakte laat beland het.
Buiten die 1 066 moorde was daar ook 1 403 pogings tot moorde en 315 misdade wat direk met die gesteelde vuurwapens verband hou.
Onder die 1 066 mense wat vermoor is tel 67 kinders. Duisende mense is ook beseer as gevolg van dié vuurwapens.
Meer as 1 100 van die wapens wat Prinsloo gesteel het is blykbaar nog soek en waarskynlik in die hande van misdadigers.