Die polisie het motoriste dié week gewaarsku om onder geen omstandighede langs die pad in die Parys-omgewing stil te hou tensy dit absoluut noodsaaklik is nie, en dan verkieslik op ‘n veilige plek waar daar mense naby is wat hulp kan verleen, sou jy dit nodig kry.
Die waarskuwing volg nadat ‘n 56-jarige man helder oordag deur vyf mans gekaap is, en toe in die Ennerdale-omgewing afgelaai is.
Sy Toyota Hilux bakkie wat die kapers gesteel het, is later dieselfde dag deur die polisie in Sebokeng gekry.
Die kaping het op 19 April omstreeks 07:40 gebeur toe ‘n verbygaande motoris aangedui het dat daar iets van die slagoffer se bakkie afgeval het.
Die man het niksvermoedend stilgehou om te kyk wat fout is. ‘n Bruin Citroen het by hom gestop. Twee mans het uitgeklim en ‘n vuurwapen op hom gerig. Hy is na die bosse langs die veld geneem waar hy geblinddoek is.
Lees die volledige berig op die webwerf van die Herald se susterskoerant Vaalweekblad hier:
Kapers beduie daar’s fout, en ry toe self weg met slagoffer se bakkie | Parys Gazette
