Die Vereeniging Rugbyklub (VRK) is in sak en as nadat Stefan Jacobs, die klub se direkteur van rugby, gister aan Covid oorlede is. Die 47-jarige Jacobs is na wat verneem word vroeër vandag aan ‘n ventilator gekoppel, maar is later oorlede. Hy is einde verlede maand as voorsorgmaatreël gehospitaliseer. *Vaalweekblad wil hul medelye en innige simpatie aan sy familie, sy vrou Marionette en sy seun Stefan en sy dogter Simone oordra. Hy het as rugby- en sakeman diep spore in die Vaaldriehoek getrap. Sy skielike afsterwe laat ‘n groot leemte.