‘n Gewapende roof het vanoggend (29 Maart) omstreeks 09:00 by die River Walk winkelsentrum plaasgevind.
Volgens kapt. Aafje Botma, polisiewoordvoerder van die Noordwes, het drie rowers die werkers van Pep Stores oorrompel en met selfone en kontant wat hulle van die winkel gesteel het, gevlug. Een van die rowers het ʼn vuurwapen gehad.
Op daardie stadium was daar nog nie kliënte in die winkel nie. ʼn Saak van besigheidsroof word ondersoek. Niemand is nog met die voorval in hegtenis geneem nie.
Enige iemand wat meer inligting rondom die saak kan verskaf, kan die polisie by 10111 skakel.
Hier is ‘n skakel na die oorspronklike berig: https://potchefstroomherald.co.za/85230/gewapende-roof-by-river-walk/
