Kapt. Fikile Funda, ’n woordvoerder van die polisie in Vereeniging, het by navraag bevestig dat die polisie nog besig is om die moord van Dr. Seabata Motloi, ’n bekende internis van Vereeniging, te ondersoek en dat daar tot dusver nog niemand in verband met die moord in hegtenis geneem is nie.
Motloi is Maandag, 17 Augustus dood in sy huis in Fish Eaglestraat in Drie Riviere-Oos aangetref. Volgens ’n polisieverklaring wat destyds in verband met die moord uitgereik is, is Dr. Motloi in ’n sittende posisie teen die muur van sy slaapkamer aangetref met beserings aan sy voorkop. Daar was glo bloed op die bed, op die vloer en op die vloer wat na die badkamer lei.
Die polisie het ’n moorddossier geopen.
Enige iemand met inligting kan die Vereeniging-polisie by (016) 450 2263 of (016) 450 2517, of die polisie se Stop Misdaad-nommer by 08600 10111 of ’n SMS na 32211 stuur. Inligting word streng vertroulik hanteer.
Hier is ‘n skakel na die oorspronklike berig:
